Desgaitasuna duten Pertsonen Nazioarteko Eguna

Gaur, Desgaitasuna duten Pertsonen Nazioarteko Eguna, adimen- edo garapen-desgaitasuna duten pertsonak eskubide osoko herritarrak direla gogorarazten dugu, beste edozein pertsonak duen duintasun, ahots eta erabakitzeko gaitasun berarekin. Goyeneche Fundaziotik laguntza nahikoa, eskuragarria eta kalitatezkoa eskatzen dugu arlo guztietan (hezkuntza, enplegua, etxebizitza, osasuna, partaidetza komunitarioa) eskubide horiek eraginkorrak izan daitezen eta ez hitzak bakarrik. Diskriminaziorik eta kapazitismorik gabeko gizartea aldarrikatzen dugu, eta konpromisoa hartzen dugu pertsonekin eta haien familiekin batera lanean jarraitzeko, oztopoak kentzeko eta ingurune benetan inklusiboak eraikitzeko.

Euskararen Egunarekin batera, errebindikazio hau hizkuntza honetan bakarrik egingo dugu, bizitzaren arlo guztietan erabiltzearen eta agertzearen aldeko konpromiso eta defentsa keinu gisa.